Fréttabréf Johan Rönning

Sérðu ekki myndirnar? Skoðaðu póstinn hér.

JÚLÍ 2016

NÝTT Á LAGER:
BRUNAÞOLIN ROFADÓS

Bjóðum frá Kaiser endurbætta brunaþolna rofadós fyrir 68 mm gat. Dósin sem er gerð úr rauðu halógenfríu plastefni er ætluð í létta veggi sem hafa brunaþol EI30 og EI 60. Dýpt dósarinnar er 49 mm og ætti hún því að henta fyrir flestan rafbúnað. Dósin hefur ekki hljóðdempun líkt og eldri gerðin sem er fyrir 74 mm gat og verður því áfram í boði. Varnarflokkur dósarinnar er IP30.

Vörunúmer:
9463-02

ÞESSI ER FRÁBÆR:
DÓS MEÐ MJÚKUM VASA

Hversu oft hefur það komið fyrir að ekki er pláss fyrir búnaðinn sem setja á í eina rofadós í léttum vegg? Fram að þessu hefur eina lausnin verið að bæta við dós við hlið hinnar. Nú hefur Kaiser sett á markað sniðuga lausn með vasa úr mjúku gúmmíefni. Eldri dósin er tekin úr og sú nýja sett í staðinn. Myndband má sjá hér. Einfaldlega frábær lausn frá Kaiser.

Vörunúmer:
9268-94

BOX FYRIR LED-LJÓS Í LOFTAKLÆÐNINGU

Johan Rönning býður nýja gerð boxa sem kallast ThermoXLED. Þau eru sérstaklega gerð fyrir innfelld LED-ljós sem setja á í klæðningu. Ekki er þörf á sérstökum frágangi fyrir ofan boxin vegna hita sem kemur frá ljósunum. Tvær stærðir eru í boði. Fyrir 74 mm gat og einnig 86 mm. Boxin festast í loftaklæðninguna þegar þeim er þrýst upp í gatið. Ekki er þörf á frekari festingu.

Vörunúmer: Skýringar:
9320-10 74 mm, hámark 6,6 W
dýpt á boxi er 70 mm

Vörunúmer: Skýringar:
9320-21 86 mm, hámark 10 W
dýpt á boxi er 90 mm

DÓSIR OG BOX FYRIR SJÓNSTEYPU

Johan Rönning býður margar áhugaverðar lausnir frá Kaiser þegar setja á rafbúnað í sjónsteypu. Má þar nefna rofadósir í tveimur dýptum, 58 og 82 mm. Einnig bjóðum við tvöfaldar rofadósir og loftadósir fyrir sjónsteypu. Kaiser framleiðir þar að auki sérstaka botna fyrir HaloX-O boxin fyrir innfelld ljós í sjónsteypu. Með þeim má setja ýmsar stærðir af ljósum með lítilli útbrún í veggi steypta með sjónsteypu. Nánari upplýsingar er að finna á heimasíðu okkar, www.ronning.is.

LÍF OG FJÖR Á STUÐVANGI

Árangur strákana okkar hefur ekki farið framhjá neinum íslendingi sama hvar hann hefur verið í sveit settur. Viðskiptavinir Johan Rönning hafa getað horft á leiki landsliðsins úr Stuðvangsstúkunni á stórum skjá eftir að hafa snætt kræsingar sem Grillmeistarinn hefur framreitt. Óhætt má segja að stemmingin hafi verið frábær þegar liðið sýndi hvað í þeim bjó leik eftir leik. Við þökkum öllum þeim sem komu á Stuðvang kærlega fyrir komuna. Þetta er búið að vera magnað ævintýri. Myndir frá Stuðvangi má nálgast hér og myndbandið með því að smella á myndina hér fyrir neðan.

QUICKLINK FRÁ BERKER

QuickLink er nýtt þráðlaust stýrikerfi frá Berker. Það er verulega breytt frá fyrra Funk bus-kerfi og er á annarri tíðni (868,3 MHz) en hið gamla. Því er ekki mögulegt að samnýta þau. Helstu breytingar eru að kerfið er gagnvirkt og allar einingar sem eru 230V tengdar, geta verið bæði sendar og móttakarar. Mögulegt er að tengja QuickLink með gátt við Domovea tölvu/síma eininguna og/eða KNX-kerfi. Meðfylgjandi er krækja á sjónvarpsþáttinn Allt er nú til þar sem Helgi Gunnar Guðlaugsson útskýrir virkni kerfisins. Hafir þú frekari spurningar skaltu ekki hika við að hafa samband við Helga í netfang hans helgig@ronning.is.

SAMBYGGÐ LEKALIÐA-SJÁLFVÖR YFIR EINPÓLA GREINAR

Hager hefur nú sett á markað frábæra nýjung sem er mikill fengur fyrir rafvirkja. Þriggja póla lekaliðasjálfvar af gerð A, sem er ætlað fyrir þrjár einpóla greinar. Hver grein er varin yfirálagi. Ef lekastraums verður vart þá slær varið öllum þremur út. Með þessu vari sparast mikið pláss í töflu. Einnig má hugsa sér að í stað eins lekaliða fyrir íbúð komi nokkur sjálfvör. Kynntu þér þessa sérlega áhugaverðu nýjung í verslunum okkar.

Vörunúmer: Skýringar:
ADZ310D 3x1P+N, 30mA, 10A B
ADZ313D 3x1P+N, 30mA, 13A B
ADZ316D 3x1P+N, 30mA, 16A B

ADZ360D 3x1P+N, 30mA, 10A C
ADZ363D 3x1P+N, 30mA, 13A C
ADZ366D 3x1P+N, 30mA, 16A C

RAFHLÖÐUR FYRIR VARAAFLGJAFA

Við hjá Johan Rönning bjóðum mikið úrval rafhlaða fyrir varaaflgjafa frá einum stærsta framleiðanda rafhlaða í heiminum, Enersys. Bjóðum einnig skápa undir rafhlöður frá sama framleiðanda. Enersys leggur mikla áherslu á gæði samhliða góðu verði og umhverfisvænum vinnsluaðferðum.

Umsjón: Óskar Davíð Gústavsson, oskar@ronning.is